Një ditë pas ngjarjes tragjike në plazhin e Kavajës, ku humbën jetën 3 persona, babai dhe djemtë e tij autoritetet kanë filluar të marrin masa për mbarëvajtjen e sigurisë.
Burime bëjnë me dije se në zonën ku ndodhi ngjarja janë caktuar roje plazhi dhe një kufi në det për të caktuar zonën e sigurt dhe qytetarët të mund të pushojnë të qetë.
Mësohet se momentin kur ka ndodhur tragjedia, në zonë ka munguar vrojtuesi i plazhit, por edhe kufiri në det ku 3 anëtarë të një familjeje ndërruan jetë.
Sipas informacioneve, deti ka qenë i trazuar dhe me dallgë të mëdha. Fillimisht dy djemtë kanë hyrë për tu larë, por janë rrezikuar për shkak të dallgëve. 50-vjeçari ka hyrë t’i shpëtojë, pasi dyshohej se një nga fëmijët po mbytej. Por situata ka qenë e vështirë dhe për shkak të dallgëve e kanë patur të pamundur të dilnin në breg, sipas BW.
